فراغ دستوري

فراغ دستوري ... الرأي الآخر ... تعددية سياسية ...
مصطلحات صرنا نسمعها ... كل يوم بالتلفزيون

ما اعرف ليش تذكرني بمصطلحات مثل الفراغ العاطفي .. ازمة مع حبيبي او خطيبي ...

يمكن لانو المواطن قرر يصير سياسي بلكي تضبط الامور متل سعداء الحظ .. و مافي حدا احسن من حدا


فراغ عاطفي .. مصطلح ينقال من الواحد تتركو حبيبتو ... او انو اصدقائو تزوجوا .. و ظل هو عازب !
فيقوم يدور على الحب او اي شي يشبه الحب بسرعة .... و الكلام عن الجنسين

فراغ دستوري .. من يختلف البرلمانيين او الحكومة على صيغة قانون جديد يضمن رجعتهم لدورة جديدة بالبرلمان ..
و حتى ما يصير الفراغ يحاولوا يتفقوا على صيغة سريعة حتى ما تقع البلاد بفراغ الاوزون .. عفوا قصدي الفراغ الدستوري !


اذا ما صار الاتفاق بين الكتل النيابية .. صحيح سيبقى الوضع على ما هو عليه .. حتى تصير التنازلات الشكلية من اجل الوطن مو اجل سعاداتهم ..

و نفس الشي .. بس يتعارك الخطيبين بالاخير رح يرجعوا لبعض و على اساس كل واحد تنازل من اجل تسيير الامور و هوابو العقل الكبير


كل الكتل النيابية مع الرأي الآخر .. و الكل مع الحوار البناء .. و الكل مع احتواء الجميع .. (امام الكاميرات و بس) ..
و نفس الشي .. كل شخص يحترم رأي الشريك و الصديق و مع الحوار و مع الحياة السعيدة ..
(امام الآخرين بس)


و الكل تحكي ... سـَ و سوف .. و انتظرونا ...


هاموش ..
رح كمل بعدين .. حتى ما يصير عند القراء فراغ عاطفي ..