احلى شي بالمونديال تبع كأس العالم انه فعلا كأس عالم
بقصد انه فعلا طالع من رحم العالم وموجه للعالم
لك للسخافة انه مافي غير قناتين عم يكونوا منفذ المشاهد السوري المنتوف غير القادر على الاشتراك مع قناة الجزيرة
القناة الاولى تركية والتانية عبرية
لا والاحلى انك وقت بتعطي تردد القناة العبرية لشخص ما بيعرف فيها
بدقلك تلفون وبقلك انها قناة عبرية اسرائيلية ومتابعتها جزء من التطبيع !!
والله يديم القنوات التركية اللي ما عم تخلينا نعتاز لحدا
لا وكأنه لواء الاسكندرون تابع لغير كوكب
وفوق المنها بيجيلك هاد الزلمة نفسو يعني بجلالة قدرو بغير مطرح وبغير حادثة
بيجيلك بقلك وبأكدلك .. انه هوي عارف كلشي ومتأكد منو
بأكدلك انه الصراع الصهيوني العربي صراع قوميات مو صراع ديني عقائدي
انه هنن ولاد كلب اي ما منختلف
بس التانيين كمان ما مقصرين فينا !
فوق النص قرن من الاحتلال واكل الهوا
طلعوا وسفقونا هداك الخازوق اللي لهلق ما قدرنا نخلص منو ونسحب ارضنا معنا
لك بتصدق انه مافي سوري بيعرف يرسم خريطة للواء الاسكندرون ؟
كلنا تعودنا نعكف الخط بالجزء الشمالي من تحت اللواء وما حدا مننا بيسترجي يكمل الخط لفوق قبل ما يعكفه
لا بالأول بيعكفه بعدين بكملو بفوق هيك عم توصي الكتب المدرسية قدّس الله سر المؤتمنين عليها
المهم انه الموقف واضح وصريح وما بيقبل التشكيك
الشيخ ما بيحضر كأس العالم اذا التعليق عليه بالعبري بس بيعجبه التعليق التركي ونقطة علسطر
اي عدم المؤاخذة ... طز بهيك مبادئ ويلعن هلراس برجلي
ههه متابعه القناة جزء من التطبيع غسيل الملابس بمنظف امريكى وطبعا كل ما هو امريكى فىالوطن العربى هو اسرائيلى جزء من التطبيع ! اتساءل ماذا وفرت لنا الحكومات العربية لنعيش بكرامة ونعتز بعروبتنا ولا نلجا لتلك المنتجات ومحطات التلفاز تبع الاعداء
ردحذفاتفق معك طز بهيك مبادىء :)
بالمناسبة جميل التصميم الجديد للمدونة
ردحذفلك اهلا بـ Kontiki بعد زمان ولو
ردحذفالمشكلة انه الواقع المعاش حالياً متفق عليه ( ضمنياً ) انه التوجه لفكر الاعتدال هوي الحل الوحيد
ومع هلشي فكر المقاومة حي بس بجسد ميّت بما انو الحكومات عم تعمل لمصلحة الكرسي لا لمصلحة المستقبل
فانو في ظل هيك ازدواجية معايير من الحكومات بين التصرفات والتوجهات من جهة وبين الشعائر والقيم المنادى فيها .. ضاعت الطاسة
انا كمواطن سوري محتلة أرضي من دولتين وحدة اسمها اسرائيل والتانية اسمها تركيا من الصعب اني بجّل وصفق لبطولة تركيا واعتبرها الفرس المراهن عليه بالمستقبل !
=====
بخصوص الديزان : تسلم دياتي مزوق مزوق
مو هيك
:D
شو ال نص قرن جبرا؟
ردحذفليك فلسطيني الي عم يحكي هون..طبع اخي طبع اصلا هن لا سائلين فينا ولا بتطبيعنا .
ردحذفوبعدين بلا مؤاخزة يعني..القناة الاسرائيلية بشو استفادت من المواطن السوري اللي عم يحضر كرة قدم؟
لتبقى تيجي الكهربا بسوريا 24 ساعة 7 ايام بالاسبوع زي بالضفة و غزة ابقو بطلو طبعو.
سيدي..الله بعين كلها كم يوم و باجي عهالشوب و القطع الترشيدي العادل.كيف عم تحضروا صح ما عم تنقطع الكهربا؟