ابو خسيس: تعرف يا ابو مخ, انا قررت اترك الشغل بالمدرسة...
ابو مخ: ليش يا ابو خسيس, لك هالمدرسة خرجت عالم, هالمدرسة لحالها فكر وتاريخ.
ابو خسيس: لك الله يرحم فكر وتاريخ. لك ماشايفها عتقت وتختخت؟
ابو مخ: لك اي ما اختلفنا, بس الفكر والتاريخ تبعها بيضل بيشهدلها, يعني اذا تختخت بنرمما
ما بنتركا ونروح لتنهار.
ابو خسيس: انا عجزت منها ومليت وصار بدي شي جديد.
ابو مخ: طب خدلك اجازة فترة ورجع بعدين.
ابو خسيس: بدك الصراحة خيو , لك انا ما فيي اتحمل مدير على راسي يقلي عمل هيك وعمل هيك. بدي انا يكون تحت ايدي عالم قلون شو يعملو.
ابو مخ: ايوااااا, اي احكي هيك من الاول........
ابو خسيس:وبعدين لعلمك اصلا كل الاساتذة تبرو من هالمدرسة المعتّة.
يلا سلام هلا, اصلا الحكي معك لعي فاضي متل قلتو.
بعد فترة.....
ابو مشارك: لك كيفك ابو مخ؟ بعد زمان والله.
ابو مخ: يا هلا بابو مشارك, انا الحمدلله, انت شو الاخبار؟
ابو مشارك: الاخبار انو صديقك ابو خسيس اسس مدرسة, وانا عم اشتغل استاذ فيها.
ابو مخ: شي حلو, ودخلك شو توجهها هالمدرسة؟
ابو مشارك: شو هاد توجه؟ ما في لا توجه ولا شي, هو هيك اسسها بدون توجه,هو اصلا قايللنا
انو نحنا كل واحد بيشتغل على كيفو, بس المهم نشتغل الو وهو بس يُعين ويُقيل ويُقاعِد..
ابو مخ: لكان دخيل عينك, بس تشوفو لابو خسيس, قلو ابو مخ يسلم عليك
ويقلك ما تتعب حالك لان, الاصل يضل اصل واللي ما اصل بيكون تقليـــــــــــــــــــــد...
تماما متل التقليد الصيني...
هاموش/دبانة: اي تشابه اسماء مع اي شخص,كائن او جماد هو غير مقصود وانما صدفة جدا بحتة...
:)
ردحذفمع الاسف التقليد الان اصبح الاصل
التقليد لم يكن ولن يصبح اصل
ردحذف:)