الخميس، ٢٤ تشرين الثاني ٢٠١١

منرسم باب لبكرة احلى







براين مكارتني .. اكيد ما سمعت فيه .. لانو انا كمان اليوم كانت اول مرة اسمع فيه. المهم ، براين مكارتني هوي زلمة حس انو رأي الاطفال بالحروب و الاوضاع الاجتماعية غالبا ما حدا بياخدو بالحسبان مع انو بيشكلو نسبة منيحة من السكان.
يمكن مش لانو الاطفال ما بيحسو على اي شي حواليهم. لا. و انما لانو الاطفال تعبيرهم عن واقعهم بيكون اقل وضوح (او يمكن اكتر وضوح) لادانينا اللي تعودت عالحكي الكتير و المصطلحات الخرندعية.
لهيك .. نزل براين مكارتني عالقدس و طلب من اطفال انهم يرسمو .. 
يرسمو اي شي بيطلع عبالهم .. يرسمو ايامهم، او شي موقف عشوائي بينقوه ليترجموه لرسمة.

طبعا الرسمة .. او الصورة  ممكن تحكي مية كلمة و اكتر. و من هون احيانا بتزعجنا، بتخلينا نضحك .. نعصّب او حتى نبكي. بتأثر فينا بطريقة الخطابات الطويلة و المملة اكيد ما بتقدر تعملها.
لهيك .. رسمات هاي الاطفال (اللي بحالة مكارتني و الاطفال المقدسيين كان تقريبا دايما فيها دم و قتل و دبابة) مهمة جدا. و بتعكس نفسية الاولاد و شو طبيعة الشي اللي بيخطر عبالهم. يعني صبي ببلد حر و بينتمي لشعب و سعيد ، غالبا ما رح يخطر عبالو يرسم كلاشينكوف و حدا عم يموت و جدار عازل. و غالبا رح يرسم اقواس قزح .. ام و اب .. و فرح و براءة. 



عسيرة النفسية: هل تعلم انو في دكاترة نفس كتار بيخلو زباينهم يرسمو بدل ما يحكو؟


منرجع: فكرة اليوم هيي انو اذا كان عندك طفل بالعيلة - اخ اخت .. ابن .. حفيد .. حيي الله 
اطلب منو يرسم رسمة .. و بعتلنا ياها مع عمرو او عمرها و باي مدينة ساكنين 

هيك منقدر نعمل البوم صور من رسمات اطفال بامكان متعددة.. و منقدر نشوف شو رأي الاطفال بمدينتهم .. مجتمعهم و محيطهم 
و قديش ممكن رأيهم يفاجئنا .. او بالعكس ما يفاجئنا نهائيا. 

فيك تبعتلنا صورة عن رسمة اطافيلك (مع ذكر عمرهم و المدينة اللي ساكنين فيها) على هاد الايميل: hwine-nwine@live.com 
و طبعا طبعا .. فيك تنشر الخبرية بين اصحابك او تنشر عنها بمدونتك او موقعك او صفحتك او حيي الله مطرح بتديرو لنقدر نحصل على اكبر عدد من الرسمات و القصص.



اكبس هون اذا بتحب تعرف اكتر عن تجربة براين مكارتني و تشوف فيديو قصير عن شغلو ..
مصدر الصورة تاعت الولاد: من هون
اسم البوست؟ الله يخليلنا ميمو :)

هناك ٢٢ تعليقًا:

  1. مقال مميز وانشاء الله ننتظر الجديد دائما

    ردحذف
  2. موضوع مفيد والله تشكر علية

    ردحذف
  3. بارك الله فيكم موضوع افادني كثيرا

    ردحذف
  4. اعجبني اسلوبك الفريد في الكتابة ماشاءالله

    ردحذف
  5. فعلا الصور والرسومات من اكثر الاشياء التي تعبر عما بداخلنا

    ردحذف
  6. شكرا لك وتسلم علي هاي التدوينة

    ردحذف
  7. صدقت والله وشكرا لك مقالك مميز

    ردحذف
  8. اروع شئ ان تطالع رسمه لطفل صغير فهي تعبر عما بداخله

    ردحذف
  9. اروع شئ ان تطالع رسمه لطفل صغير فهي تعبر عما بداخله



    الحب

    ردحذف
  10. براءة الاطفال تتجلى في ما يرسمونه

    ردحذف

ملحوظة: يمكن لأعضاء المدونة فقط إرسال تعليق.