شوي ملح؟؟؟

الحمة: كأن الاكل ناقصو شوي ملح؟
الكنّة: لا انا حطيت ملح كفاية.
الحمة: لا اكيد انتي مخربطة, ما حاطة ملح ابدا بالاكل...
الكنّة: شو يعني انا كذابة؟
الحمة: هممم, ما بعرف يمكن...
تعلا الاصوات بين الحمة والكنة
الحمو: حاج تتقاتلو انتي وياها, ياريتكون تتقاتلو على شغلة محرزة.
الحفيد: شو في جدو؟
الحمو: والله يا جدو عم يتقاتلو على اذا الاكل ناقص ملح
          لك اخ اخ نحنا ناقصنا ضمير, مو ملح...
الحفيد: شو يعني ناقصنا ضمير جدو, يعني ناقصنا "هو , هي..."؟؟
الحمو: لا يا جدو, يعني لاعطيك مثل
         لما الواحد بيشوف مراة ختيارة بالشارع ويسرق جزدانها ويهرب
         هذا الزلمة ناقصو ضمير.
         لما الاب يرجع كل يوم سكران على بيتو ويبلش ضرب بمرتو
         وولادو, هذا ناقصو ضمير.
         لما الام/الاب يخونو بعض, ناقصهون ضمير..
         لما الشخص بيقامر على بيتو, هذا اكيد ناقصو كتير ضمير...
         لما الاخ يعمل مراجل على اختو ويمشيها على كيفو وهو يعمل السبعة وذمتها
        اي اي متل ما عم قلك جدو .... ناقصو ضمير.
        لما الاولاد يزتّو اهلون بالشارع متناسيين كبف تعبو عليهون لكبرو...
        كلون على بعضون.... ناقصون ضمير...
        فهمت علي جدو ؟؟
الحفيد: اي جدو اي فهمت, همممممممممممم!!!
الحمو: شو في جدو؟
الحفيد: ياريت يكون في عنا ضمير متل الملح, بينرش على ناقصي الضمير!!!!