انفونزا الخنازير والحل البسيط

- بتعرف فلان ابن علتان؟

- ولو.. بعرفو طبعا.. مو هاد الطويل الاهبل؟

- هو بزات نفسو ! حزير شو صار معو؟ (الله يكف عنا الشر)

- شو صرلو؟ ما يكون طول كمان 5 سم

- تسئ, فلوز.. فلوزة خنزيرية

- له له له .. الله يكف عنا الشر حوالينا ولا علينا يا ربي

كل يوم منسمع هيك حوارات صغيرة مع انشار انفلونزا الخنازير.. و كل ما انتشرت هاي الحوارات (او حلات الانفلونزا) كل ما صرعونا اكتربـ التلفزيون, بـ الجرايد, بـ المصعد (ما بعرف شو اسمو :) ) بالباص.. بكل مكان .. و عـ اخدت التطعيم؟ غسلت ايديك؟ ما تسلم ع حدا, ما تحكي مع حدا الا و في بينك و بينو مسافة شي 3 كراسي ! الى ما هنالك من نصائح الكل بيقولها و الكل بيطنشوها و ما بيتبعوها

هلا بغض النظر, دايما في ناس بتشوف الاشيا بمنظور تاني .. متلا امي عندها ايمان بانها مش مريضة مادام ما فحصت و اكتشفت المرض .... يمكن مشان هيك عمرها ما زارت دكاترة.. (بستثناء دكاترة السنان)

هلا من منطلق عيش كتير بتشوف كتير .. خصوصي بالمترو

شفت منظور جديد جدا .. ! زلمة .. شكلو حفرتلي لـ الله , كان قاعد بالقطار. ع كل محطة و لما يفوتو ناس جداد بيعدلهم الاسطوانة .. مشان تعم الفائدة :)

ما عندي ادنى فكرة ان كان عم يحكي من عقلو ولا سكران بس ما كتير همتني الشغلة لانو "خذ الحكمة من افواه المجانين"

قال بيقلك :

H wine N wine

sounds like 2 bottles of wine !

enjoy, and don't forget to get drunk

و هون . بيظهر التحشيش فعاليتو مرة تانية في حل المشاكل مهما كانت عويصة :)